عِشق گو فقط محبوب بناوُن ٹوٹھ رَسولِ خُدا

عِشق گو فقط محبوب بناوُن ٹوٹھ رَسولِ خُدا

عِشق ونون تہٕ شعر لکُھن سَحّل مگر
عِشق ہُووُیِ خلیلؑ نَے نمرود سأنس  نارس اندر

عِشق گو فقط محبوب بناوُن ٹوٹھ رَسولِ خُدا
گَژھ ژہٕ بَران رنگ تِم سُند فِکرِ تہٕ کردارس اندر

نَبّی سٔند انہٕ عالم گوُ  رُوشن گٹہٕ ظُلماتٕچ دوٗر گٔیہ
نَت بُترأژ وَلنہٕ آمٕژ أس شِرک تہٕ زَنگارس اندر

تِم سٔند خُلق سأت سنگ دل تہِ مُوم بنان
کیا خُوب مُحبتُک رَس تِمسٔندس گًفتارس اندر

یا الہٰی  نور چانے  طْور دود تہٕ موسٰی غَش کھیوان
دون کمانن ہٕنز فَرکھ تُھووتھ پانس تہ تاجدارس اندر

ہائے اِنسانو تُروتُھن سُویہِ رَحمان  تہ نَبّی ژے
تَوے چُھی بد نصیبا ہرُد لُگمُت نَوبہارس اندر

انسان اُوسکھ تِم کار کٔرِتھ مَندچُھوتن حیوان تی
ژے دوکھ دِیوتُتھ اِنسانیتس اِنسای اَنہارس اندر

حلال حرام وُچھنہ رُستُے بٕرِتھ لُکمہٕ شِکمس اندر
چُھوی تَوے ژُور فُرمت عملِ تہٕ بیہِ قِرارس  اندر

نہٕ اَتھ صاف نہٕ نظر صاف نہ ایمانچ پاسدأری
برقتا چھی ژے رُومژ تَوے اَز قاروبارس اندر

نفسس کیازِ کٔرتھ پیروی گُوکھ تَوے خراب
ژَھمِ والِتھ اَٹہِ کُڈنُکھ بُرنُکھ زہارس اندر

پریتھ اَکھا اَکھ أکس نِش چھی اَز دوٗر ژلان
پرتھ اند از کنن گسان وباہ پھولیو شہارس اندر

عملِ ڈُلکھ حیا  گُولتھ مُشراوتُھن  اسلام ژے
ربّ چھی ناراز چھُک ژہٕ اُمت توے اَز قہارس اندر

یہ کٔشیر أس پِروأر اس مُعرفَتچ سر زمین أس
کُفر شِرکُک نار زألِتھ تاو کُونچتھ  شہجارس اندر

تِم أس دُوہ لُوکٹ بوڈ اُوس احساس اُوس اَتھواس اُوس
مُول مُوج تہ زِیٹھ أس کَران نصیحت گھر بارس اندر

یُود سَرکھ سورہ عصر  چھی کامیابی ہنز دلیل
نَت غفلتے انسانسے واتنوا خسارس اندر

اسلام چھوی رسول چھوی خُدا چھوی سُون مُدا
بس یہی پأغام باوان چُھس لفظ اَنبارس اندر

اے خُدایا نِم اُمتچ شان رچھ اتححاد رَچھ
چھہِ گیٖر گٔمژ یہ ژُوپار اَز  ظُلمٕکِس بازارس اندر

ونہِ گَس تہٕ بُوزِتھ بخش  اَسیِ ہدایتک پروان ژٔے
چھہ یہی طلب ہیتھ اُمت اِنتظارس اندر

یا الہٰی شؔوکتس بس نَبّی سُوند دیدار دوا
اَد بَلہن یِم دأد سأری لول بیمارس اندر

( ~ شؔوکت بڈھ نمبل کشمیری )