Gazal: Ishq Chane Chus Gumut Bemaar Tabeebo

عشقِ چانے چُھس گومت بیمار طبیبو
چُھنہ میہ ژے روس کانہہ تہ بے‌غمخوار طبیبو

خشمہ ہوت ون کیاز لاگان‌ چُھکھ میہ علیلس
چشمہ وتھرے بوز میآنی زار طبیبو

وتھ میہ ہاوم ستھ میہ چآنی چھیم دلس اندری
کتھ میہ کرتم گوْب چُھ عشقن بار طبیبو

سگ میہ دکھنا لول چمنن, چِھم گئمت وآران
دگ وئژم جگرس میہ ہیوتُن نار طبیبو

یُوت مو ژِ لاگ بے پروا ژ پروا کر
گو کرتھ گانگل میہ وچھ اغیار طبیبو

ِزاگِ از پوشن گلن روزان کُس ونتم
راگ منز بلبل کران ولزار طبیبو

دردِ چانے زرد رنگ گو‌ عاشقن جسمس
پردِ تُل رویس تہ دِکھ دیدار طبیبو

تَل گومت چُھس عشقنس سہلابسے منز بے
ول میہ یرون ناوِ دکھنا تار طبیبو

پرانہِ ما چونے میہ محبّت فقیر اعظمس
چانہِ یِنُک چُھم میہ انتظار طبیبو

✍ فقیر اعظم