نعتِ نبّیﷺ :ہر موج ہوا زلف پریشانِ مُحَمَّدﷺ

نعتِ نبّیﷺ :ہر موج ہوا زلف پریشانِ مُحَمَّدﷺ

ہر موج ہوا زلف پریشانِ مُحَمَّدﷺ
ہے نُور سحر صورتِ خندانِ مُحَمَّدﷺ

کچھ صبحِ ازل کی خبر نا شامِ ابد کی
بیخود ہوں تہِ سایہِ دامانِ مُحَمَّدﷺ

تو سینہ صدیقؓ میں اک رازِ نہاں ہے
اللّٰہ رے اے صورتِ جانانِ مُحَمَّدﷺ

چُھٹ جائے اگر دامنِ کونین تو کیا غم
لیکن نہ چُھٹے ہاتھ سے دامانِ مُحَمَّدﷺ

دے عرصہ کونین میں یا رب کہیں وسعت
پھر وجد میں ہے روحِ شہیدانِ مُحَمَّدﷺ

بجلی ہو ، مہ ومہر ہو، یا شمعِ حرم ہو
ہے سب کے جگر میں رُخِ تابانِ مُحَمَّدﷺ

اے حسنِ ازل اپنی اداؤں کے مزے لے
ہے سامنے آئینہ حیرانِ مُحَمَّدﷺ

اصغر تیرے نغموں میں بھی ہے جُوش درود اب
اے بُلبُلِ شُوریدہ بُستان مُحَمَّدﷺ

کلام: اصغر گونڈوی