نعتِ نبّیﷺ: توہی میانہ زندگی ہیندء بہار یا مُحَمَّدﷺ

نعتِ نبّیﷺ: توہی میانہ زندگی ہیندء بہار یا مُحَمَّدﷺ

دل میانی بے قرارُک قرار یا مُحَمَّدﷺ
توہی میانہ زندگی ہیندء بہار یا مُحَمَّدﷺ

بے کس تہٕ غمزدن ہُند غمخوار یا مُحَمَّدﷺ
توہی میانہ زندگی ہیندء بہار یا مُحَمَّدﷺ

دِل کِس یتھ گُلشنس اَز بدلے ہَرُد چھُ ژامُت
ہنہِ آئے اَنہِ گٹس منْز اَسہِ کیتھ بنُن چھُ آمُت

اَکہِ نظرِ تہندِ پھُلہ ہن گلزار یا مُحَمَّدﷺ
توہی میانی زندگی ہیندء بہار یا مُحَمَّدﷺ

دوہ راتھ لول چانے انررے بٕہ نار للواں
چھُس تریش ہوت بٕہ ساقی وصلچ تریش ژھاراں

دود ون تٕہ ریگزارک شہجار یا مُحَمَّدﷺ
توہی میانی زندگی ہیندء بہار یا مُحَمَّدﷺ

پروژھ یود مے پوشہ ٹورین ناز و جمال چونوے
بُلبُل تٕہ گُل گیواں گیہ چھُنہ کانہہ مثال چونوے

ذرِ ذر چانی حُسنُک گرفتار یا مُحَمَّدﷺ
توہی میانی زندگی ہیندء بہار یا مُحَمَّدﷺ

دود طور نورِ حق سأعتی موسٰیؑ تِہ غش کھیواں گیہ
ملکو سَخ توشُکھ یلہِ تشریف عرش نیواں گیہ

ربّ پانہ بنیو مشتاق دیدار یا مُحَمَّدﷺ
توہی میانی زندگی ہیندء بہار یا مُحَمَّدﷺ

کنہ پھلی لگہ پرنیی کلمہ و درود چونوے
یود وے وچھان تم گئ روشن وجود چونوے

سنگ دل تہِ نم گئ بوزتھ گفتار یا مُحَمَّدﷺ
توہی میانی زندگی ہیندء بہار یا مُحَمَّدﷺ

عرب و عجم چھٕہ تہندی لُوکھ جاں نثار ساری
خلقِ عظیم سأعتین مِلژار پھیور ژوپأری

گٹہٕ ژَجہِ ظُلمتچ کردار یا مُحَمَّدﷺ
توہی میانی زندگی ہیندء بہار یا مُحَمَّدﷺ

شؔوکت خستہ دلسے کوٗت کال مے گُو پیاران
وٕد وٕد سو چشمو کن خُونِ جگر چھُو ہاران

روئے نازنین ہاوم سرکار یا مُحَمَّدﷺ
توہی میانی زندگی ہیندء بہار یا مُحَمَّدﷺ

کلام: شوکت بڈھ نمبل کشمیری